Students › Learn by heart

Memory work

Learn by heart

A Man’s a Man for A’ That · Robert BurnsRead in the library ↗

Tune—“For a’ that.”

Is there for honest PovertyThat hings his head, an’ a’ that;The coward slave—we pass him by,We dare be poor for a’ that!For a’ that, an’ a’ that.Our toils obscure an’ a’ that,The rank is but the guinea’s stamp,The Man’s the gowd for a’ that.

What though on hamely fare we dine,Wear hoddin grey, an’ a that;Gie fools their silks, and knaves their wine;A Man’s a Man for a’ that:For a’ that, and a’ that,Their tinsel show, an’ a’ that;The honest man, tho’ e’er sae poor,Is king o’ men for a’ that.

Ye see yon birkie, ca’d a lord,Wha struts, an’ stares, an’ a’ that;Tho’ hundreds worship at his word,He’s but a coof for a’ that:For a’ that, an’ a’ that,His ribband, star, an’ a’ that:The man o’ independent mindHe looks an’ laughs at a’ that.

A prince can mak a belted knight,A marquis, duke, an’ a’ that;But an honest man’s abon his might,Gude faith, he maunna fa’ that!For a’ that, an’ a’ that,Their dignities an’ a’ that;The pith o’ sense, an’ pride o’ worth,Are higher rank than a’ that.

Then let us pray that come it may,(As come it will for a’ that,)That Sense and Worth, o’er a’ the earth,Shall bear the gree, an’ a’ that.For a’ that, an’ a’ that,It’s coming yet for a’ that,That Man to Man, the world o’er,Shall brothers be for a’ that.

Exact wording of A Man’s a Man for A’ That as hosted in the library. Public domain.

How to use it

  1. Read the whole passage aloud twice.
  2. Hide a few words, then say it all again, blanks included.
  3. Peek only when you are stuck. Keep going until every word is hidden.

Other passages

Or open any full-text work in the library, select up to about 400 words, and choose Memorize this passage. All memory work