John Anderson, My Jo

Source

Source: Project Gutenberg #1279: Poems and Songs of Robert Burns (chronological arrangement) Source URL: https://www.gutenberg.org/ebooks/1279 Public domain basis: Written by Robert Burns (1759–1796) and first published 1786–1796; public domain. Coverage: Complete poem. Editorial footnotes and footnote marks from the Gutenberg edition are omitted.

John Anderson, My Jo

John Anderson, My Jo

John Anderson, my jo, John, When we were first acquent; Your locks were like the raven, Your bonie brow was brent; But now your brow is beld, John, Your locks are like the snaw; But blessings on your frosty pow, John Anderson, my jo.

John Anderson, my jo, John, We clamb the hill thegither; And mony a cantie day, John, We’ve had wi’ ane anither: Now we maun totter down, John, And hand in hand we’ll go, And sleep thegither at the foot, John Anderson, my jo.